Neuer Brandhärd-Sound: 100 Bars Bandgschicht

Die Durststrecke ist zu Ende, doch der Hunger noch nicht gestillt! Mit «100 Bars Bandgschicht» rollen wir die Vergangenheit auf, um uns danach umso stärker auf die Zukunft zu konzentrieren – und die heisst: Brandhärd-Album Nr. 5! Der Song ist ein erster Preview zum Album «Zuckerbrot & Peitsche», das 11. September 2015 erscheint. Die Beat-Bombe hat Fierce gebastelt, der Rap kommt von irgend einem Dorftrottel aus Allschwil. Viel Spass damit!

Lyrics: 100 Bars Bandgschicht

Dasch kei Comeback – das isch e Bombe.
Blick nach vorne, bis jetzt no nütt verlore.
’97 gebore, 100 Bars Bandgschicht.
Hypes sinn überschätzt, (fuck) mir sinn unändlich.
Mit Biss wie nie und Hunger für Zäh.
Sunscht würds uns nümme gäh, kumm an unser Konzärt.
Rapper wärde Vätter und hänn d Eier verlore.
Aber ych bi dank dr Kleine zum Maischter gebore.
Näbesach – mir maches fascht e Läbe lang.
17 Joohr Hitz uffs Ohr: Das isch unser Wärdegang.
Luftschutzkäller Schönebuech – das sinn no Cyphers gsi!
Klar sinn mr scheisse gsi. Mitte in dr Nineties dinn.
Z’erscht e loose Huffe, hütt e Einzelkind.
Während ych am Mic gsi bi, hänn die eine kifft.
Y find Black Tiger King, denn dr Shape und dr Poet.
Wo uns exklusiv denn uf si Label gnooh hett.
Und das, nachdäm ych in si Wintergarte kotzt ha.
Teenager-Rotznase, Mochtegärn Rockstars.
WB Tal Records, dr Stofi unser Checker.
Brandalarm gitt langsam Fahrt, aber denn wirds no besser.
Zweituusig 02: noochedopple, Flächebrand.
«Dr Wäg isch s Ziel» e erschte Hit im Medieland.
Ei Joohr spöter, mir dängge uns nütt Böses,
kunnt Noochbrand – und alles wird no grösser.
Viva-Swizz-Ändlosschlaufe, plötzlich sinn mr überall.
Plötzlich wänn sie Autogramm, für uns isch das e Überfall.
Mir liebes, wäre niene ohni Sämi
Flückiger, du geile Siech, dir widme mr dä Grammy!
Du verdiensch mol e Oscar, wäge dir sinn mr Popstars.
Dini Videos riesegross und mir uff em Vormarsch.
Unterwäggs im ganze Land, Vorgruppe vo dr TAFS.
Plötzlich Hauptact – y glaub ächt, mir hänns gschafft.
Denn im Summer 04 an alli Openairs.
Hätte mr in däm Hoch doch e Album noochegleggt!
Aber mir sinn nonig ready, Studänte ohni Masterplan.
Noochbrand lauft – über 15’000 mol, verdammt!
Klar hänn mr Hater, mr hänns uns verdient.
Erkläre uns z viel drbyy wärs unser Bier.
Dr Sulaya will Strytt, ych ha Bock druff,
mach e tighte Diss-Track, kassier drfür e Kopfnuss.
2005 wärde wieder Zeiche gsetzt.
Grad no dr Hype umgsetzt, fucking heiss und fresh.
Charte Top 20, Platz 13 wenns mr rächt isch.
Was sicher nid schlächt isch, doch viel z wenig wägg gfickt.
Päch gsi! Schlussändlich sinn Charts nur für Promo guet.
S isch mr nid egal, verdammt y stoh derzue.
Doch mir brätsche lieber live und toure quert durch d Schwyz.
Ärnte all die Härze, es lauft in dere Zyt.
Backstage uff Titte tagge, Rap loht ys viel erläbe.
Publikum statt Studium, damit mir wieder Kinder wärde.
Grossi Momänt im Hübeli in Bärn.
Kitchen Club, Grabehalle – alli mache Lärm.
Vom Xtra ins Kiff bis ins Kaffi Mokka.
Bier uff dr Bühni, an dr Afterparty Vodka.
Remise, Holestei, mr legge Füür.
Flem, Galvanik – und nid z letscht in dr Schüür.
Und drheime denn eimol mehr die absolute Highlights.
Soca, Kasärne, y sag nur no Geilheit!
Heimspiel uff em Barfi vor 10’000 Nase.
Uf em Floss – im Rhy – bim Konzärt grad go bade.
Glücklich und dankbar, fucking verwöhnt.
Wenn d Kings in dr Stadt sinn, kömme Papis und Söhn,
Mamis und Myggeli, Studänte und Strosseköter.
Guns sinn jo cool, aber ych find fucking Roses schöner.
Und mir ritte die Wälle.
Alles lauft fascht vo elai, kai bisse und bälle.
No nie Stritt gha drwäge, und doch kunnts zum Eklat.
Dr Stofi gitt jetzt ab, kä Bock me uf die Rapsach.
So sinn mr syt em Summer 05 ohni feschte Booker.
Ei, zwei Versüech – doch das sinn die letschte Nutte.
Dasch die einzig Sach, wo mi wirklich troffe hett.
Sythär fehlt öpper, wo sich für uns opfered.
WB-Tal isch tot und TripleNine isch ko.
Jä so schnäll kas go – das wird wieder gross.
Es kunnt zämme, was zämme ghört, zämme, was zämme burnt.
1999 – die Klass wo jede Rapper hört.
2007 e einzige Triumphzug.
Drey Albe, bum, bum, sorge für Umschwung.
Das isch e riese Zyt.
Brandhärd, Mamoney, vo Kamerun ind Schwyz.
Denn s TripleNine Debut, damit alles gfickt isch.
Rap, aber richtig, respäktlos und giftig.
Nach TripleNine dr dritti Streich – rächt geil.
Freshe Rapscheiss, doch das Cover git Brächreiz.
Trotzdäm: Brandrenalin isch e Wucht!
Tracks wo stolz mache, kei Zyyle Fruscht.
Die erscht Platte als Vater, aber s Rappe blybt.
«Träne in dr Auge» dr beschti Track sowyt.
Vo dr Uni in Job, jetzt bin-y Journalischt.
Weniger Zyt für Sound, verdammte huere Mischt.
Ihr wüssed jo wies isch: Es bruucht e mol e Durschtstrecki.
Bis dr Hunger zrugg und dr Durscht gweckt isch.
Drzue e chlini Krise, über was söll-y no schryybe?
In mim Läbe gits nur Liebi, y ha kä Grund zum lyyde.
TripleNine isch perfäggt, s wird wieder alles wäggfiggt.
Ignorante Stumpfsinn mit em Album Dräggig.
100 Bars Bandgschicht? Y glaub dass das äng wird!
97 Zyyle, nei, 100 längt nid.
S isch dr 9.9.2009,
TripleNine zum zweite, Brandhärd in dr Schleife.
Immer no tighter als die meischte, Blackbox in dr Pipeline.
Back wie dr Wind, ych schwörs unter Meineid.
Mir schryybe 2010, unsri Schyybe uff em 11.
Wäge eim verkaufte Album verpasse mr d Top 10.
Es isch nid das wo zellt, doch die knacke mr no.
Mache Platte und Zoff solang mr Spass hänn wie Gott.
Aber eifacher wirds nid.
Trotz dr Form vo mim Läbe und dr zwei wo hinter mir sinn.
2014 – mir sinn ready.
Nach em Swiss-Avengers-Album kumm-y us dr Deckig.
Dr Härd isch in Stellig, brennt langsam wieder heftig.
Johny, Fierce und Fetch, Bitch, nämmed das zu Kenntnis.

Brandhärd bei Facebook.
Brandhärd bei Instagram.
Brandhärd bei Twitter.

Advertisements

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s